Математика және математикалық модельдеу институты

ҚАЗАҚСТАН РЕСПУБЛИКАСЫ ҒЫЛЫМ ҚЫЗМЕТКЕРЛЕРІ КҮНІНЕ ОРАЙ ДӘСТҮРЛІ ХАЛЫҚАРАЛЫҚ СӘУІР МАТЕМАТИКАЛЫҚ КОНФЕРЕНЦИЯСЫ, 1-3 СӘУІР 2020, АЛМАТЫ, ҚАЗАҚСТАН

Алғашқы ақпараттық хабарлама

Математика және математикалық модельдеу институты Сіздерді Қазақстан Республикасы ғылым қызметкерлері күніне орай өтетін дәстүрлі халықаралық сәуір математикалық конференциясына қатысуға шақырады.

Биылғы конференция

Әбу Насыр әл-Фарабидің 1150 жылдығына және
Математика және математикалық модельдеу институтының 75 жылдығына арналады

Конференция 2020 жылғы 1 сәуір мен 3 сәуір аралығында Математика және математикалық модельдеу институтында, Қазақстан, Алматы қ., Пушкин к-сі, 125 мекенжайы бойынша өтеді.

Дәстүрлі конференцияның міндеттері:

математиктерге математикалық зерттеулердің теориясы мен практикасы бойынша еркін ақпарат пен пікір алмасу мүмкіндігін беру;
іргелі және қолданбалы математикалық зерттеулердің соңғы нәтижелерімен танысу;
әлемдегі және Қазақстандағы математика ғылымының қазіргі жағдайын және даму жолдарын талқылау; Қазақстанның ғылыми математикалық қоғамдастығын қолдау.

Конференцияның ресми тілдері: қазақ, орыс және ағылшын.

Конференция дәстүрлі секцияларда өтеді:

Алгебра, математикалық логика және геометрия

(жетекшілері: ҚР ҰҒА академигі Жұмаділдаев А.С. және ҚР ҰҒА корреспондент мүшесі Байжанов Б.С.);

Дифференциалдық теңдеулер, функциялар теориясы және функционалдық талдау

(жетекшілері: ҚР ҰҒА корреспондент-мүшесі Садыбеков М.А. және профессор Нұрсұлтанов Е.Д.);

Математикалық модельдеу және математикалық физика

(жетекшілері: ҚР ҰҒА академигі Харин С.Н. және профессор Джумабаев Д.С.).

Конференцияның басында тезистер жинағы шығарылады. Таңдалған баяндамалар «Kazakh Mathematical Journal» журналында жарияланады деп күтілуде.

Бағдарлама комитетінің төрағасы: Қазақстан Республикасы Ұлттық ғылым академиясының академигі Қалменов Т.Ш.,

Ұйымдастыру комитетінің төрағасы: Қазақстан Республикасы Ұлттық ғылым академиясының корреспондент-мүшесі Байжанов Б.С.

Маңызды күндер:

— 8 наурызға дейін — алдын ала жазылу және тезистерді қабылдау;

— 20 наурызға дейін — есептерді бағдарламаға енгізуді растау;

— 31 наурыз — қатысушылардың келген күні;

— 1 сәуір — қатысушыларды тіркеу, конференцияның ашылуы;

— 3 сәуір — түскі асқа дейін кездесулер, конференцияның жабылуы;

— 4 сәуір – қатысушылардың аттанатын күні.

Бағдарлама мен Ұйымдастыру комитеттерінің құрамы және басқа да мәліметтер жақын арада МММИ сайтында жарияланады: http://www.math.kz.

Үлгі бойынша қатысуға өтінімдер мен баяндамалардың тезистерін Конференцияны ұйымдастыру комитетінің conference2020@math.kz электрондық мекенжайына 2020 жылдың 8 наурызына дейін жіберулеріңізді сұраймыз.

Тіркелу үлгісі

Реферат үлгісі орыс тілінде.

Реферат үлгісі ағылшын тілінде.

Ұсынылған баяндамалардың тезистері

Математикалық журнал

ҚАЗАҚСТАН РЕСПУБЛИКАСЫ ҒЫЛЫМ ҚЫЗМЕТКЕРЛЕРІ КҮНІНЕ ОРАЙ ДӘСТҮРЛІ ХАЛЫҚАРАЛЫҚ СӘУІР МАТЕМАТИКАЛЫҚ КОНФЕРЕНЦИЯСЫ, 1-3 СӘУІР 2020, АЛМАТЫ, ҚАЗАҚСТАН

Жаңалықтар